Xəbər verildiyi kimi, “Azəriqaz” İstehsalat Birliyi baş direktorunun müavini Nail Abdullayev Bakıda idarə etdiyi "Mersedes" markalı, 77 YD 054 dövlət nömrə nişanlı avtomobillə piyadanı vuraraq, ölümünə səbəb olub.
Axar.az xəbər verir ki, 1980-ci il təvəllüdlü Abdullayev bu vəzifəyə 2024-cü ilin iyunun 1-də təyinat alıb.
Nail Abdullayev Azərbaycan Dövlət İqtisad Universitetində iqtisadiyyatın tənzimlənməsi üzrə bakalavr təhsili, Bahçeşehir Universitetində biznesin idarə edilməsi (MBA) üzrə isə magistr təhsili alıb.
2013-cü ildən Azərbaycan Dövlət Neft Şirkətinin (SOCAR) tabeliyində olan qurumlarda, o cümlədən SOCAR Türkiye Qrupunda müxtəlif rəhbər vəzifələrdə çalışıb.
