Türkiyənin Ankara və İzmir şəhərlərində də mətbuata açıqlamalar və aksiyalar qadağan edilib.
Senzor.az yerli KİV-ə istinadən bildirir ki, bu barədə qərarı Ankara və İzmir valilikləri açıqlayıblar.
Bildirilib ki, hər iki şəhərdə qadağa martın 25-i 23:59-a qədər qüvvədə olacaq. İstanbulda martın 19-dan tətbiq edilən bu qadağalar isə martın 23-də başa çatacaq.
Xatırladaq ki, martın 19-da İstanbul bələdiyyəsi barəsində genişmiqyaslı korrupsiya əleyhinə aparılan əməliyyat çərçivəsində İstanbulun meri Əkrəm İmamoğlu saxlanılıb. Bunun ardınca İstanbul, Ankara, İzmir və digər şəhərlərdə etiraz aksiyası keçirilib.
