Bu gecə Ramazan ayının üçüncü Qədr (əhya) gecəsidir.
Senzor.az Qafqaz Müsəlmanları İdarəsinin tərtib etdiyi cədvələ istinadən bildirir ki, bu il üçüncü Qədr gecəsi martın 22-dən 23-nə keçən gecəyə təsadüf edir.
Sonuncu Qədr gecəsi martın 26-da olacaq.
Qeyd edək ki, Qədr gecəsi Allahın kitabı “Quran”ın nazil olduğu gecədir. “Qurani-Kərim” İslam peyğəmbərinə 23 il ərzində hissə-hissə və Qədr gecəsində bütövlükdə nazil olub.
Əhya gecələrində səhərə qədər oyaq qalıb ibadətlə məşğul olmaq böyük savab sayılır.
Onu da qeyd edək ki, Nazirlər Kabinetinin müvafiq qərarına əsasən, Ramazan bayramı Azərbaycanda bu il martın 30-u və 31-də qeyd olunacaq.
