Avstriya təmsilçisi JJ İsveçrənin Bazel şəhərində keçirilən 69-cu “Avroviziya” beynəlxalq mahnı müsabiqəsinin qalibi olub.
Senzor.az bildirir ki, favoritlər arasında yer alan 24 yaşlı JJ (əsl adı Yohannes Pieç) "Wasted Love" adlı emosional balladası həm münsiflər heyətinin, həm də tamaşaçıların rəğbətini qazanaraq, ümumilikdə 436 xalla birinci yeri tutub.
Final mərhələsində ümumi nəticələrə görə, ikinci yerdə İsrail (357 xal), üçüncü yerdə isə Estoniya (356) qərarlaşıb.
Azərbaycan finalda ən yüksək 12 xalı İsrail təmsilçisinə verib.
Qeyd edək ki, bu il ölkəmizi yarışmada “Mamagama” qrupu “Run with you” mahnısı ilə təmsil edib. Qrup mayın 13-də keçirilən ilk yarımfinal mərhələsində finala adlaya bilməyib.
