Avqustun 30-da Ermənistan Hərbi Prokurorluğu "Qarabağ özünümüdafiə ordusu"nun keçmiş komandanı Mikael Arzumanyanı saxlayıb.

Senzor.az Ermənistan mətbuatına istinadən bildirir ki, Arzumanyan Qarabağdan Ermənistana gedirmiş, yolda onun avtomobili dayandırılıb, özü isə saxlanılıb və nəzarətə götürülüb. 

Qeyd edək ki, Mikael Arzumanyan Azərbaycan Ordusu sələfi Cəlal Arutunyanın avtomobilinə zərbə endirdikdən sonra Qarabağ separatçıları ordusunun komandanı təyin edilib.

O da məlumdur ki, Arzumanyan “Qarabağ ordusu”nun buraxılmasının əleyhinə olub və dəfələrlə bildirib ki, bu, heç zaman baş verməyəcək. 

Ermənistan İstintaq Komitəsinin yaydığı məlumata görə,  Arzumanyan hərbi vəziyyət dövründə Şuşa şəhərinin və ətraf rayonların "müdafiəsinin" təşkili zamanı öz xidməti "vəzifəsinə" səhlənkar yanaşıb və "səlahiyyətlərini" lazımınca yerinə yetirməyib.

Qeyd edək ki, Şuşa şəhəri 2020-ci ilin 8 noyabr tarixində Azərbaycan Ordusu tərəfindən erməni işğalından azad edilib.

Senzor.az