Ötən gün Xankəndidə ermənilər aksiya keçiriblər.

Senzor.az “Kavkazskiy uzel”ə istinadən bildirir ki, onlar separatçı rejimin rəhbərindən qondarma “maliyyə”, “təhlükəsizlik şurası” və “nazirlər kabineti” rəhbərlərinin istefaya göndərilməsini tələb ediblər.

Nümayişdə mindən çox şəxsin iştirak etdiyi qeyd olunur.

Nəşr xatırladır ki, Laçın dəhlizinin indi Azərbaycanın nəzarətində olmasından narazı olan separatçılar avqustun 29-da Araik Arutunyan ilə görüşdən sonra Xankəndində mitinq keçiriblər. Özünü qondarma "parlament"in "spikeri" adlandıran Artur Tovmasyan aksiya iştirakçıları ilə görüşdə onların suallarını cavablandırmayıb. Onlar isə öz tələbləri yerinə yetirilməyənə qədər mitinq keçirəcəklərini vəd ediblər.

Yerli sakinlərdən biri bildirib ki, A.Arutunyanın “iqamətgahının” mühafizəsi gücləndirilib. O hesab edir ki, guya təxribatlar ola bilər.

Aksiyanın digər iştirakçısı isə deyib ki, iki yol var – ya xalqı qovmaq, ya da onun tələblərini qəbul etmək.

Senzor.az