Xəbər verdiyimiz kimi, Bakıda 13 yaşlı qız ana olub.
Bu barədə sosial media hesabı vasitəsi ilə məlumat yazan Azərbaycan Uşaqlar Birliyinin sədri Kəmalə Ağazadə bildirib ki, həmin qız ötən gün ev şəraitində uşaq dünyaya gətirib: “Ana xəstəxanaya yerləşdirilib, körpə də sağdır”.
13 yaşlı qız bildirib ki, o, təcavüzə uğraması nəticəsində hamilə qalıb.
Ailə, Qadın və Uşaq Problemləri üzrə Dövlət Komitəsindən bildiriblər ki, Bakı şəhərində yeniyetmə qızın ana olması ilə bağlı məlumat araşdırılır.
Qeyd edək ki, bu, bir ay ərzində azyaşlıların zorlanması ilə bağlı mediaya çıxan ikinci belə hadisədir. Ötən ayın sonlarında Bərdədə bir kəndi ayağa qaldıran xoşagəlməz hadisə baş vermişdi. Belə ki, 2007-ci il təvəllüdlü qıza qarşı qeyri-etik və zorakılıq hərəkətləri edən 4 nəfər bu əməllərini videoya çəkərək yaymışdılar və kənd sakinlərinin tələbindən sonra polis tərəfindən saxlanılmışdılar.
Azyaşlılara qarşı zorakılıq halları niyə artıb?
Azərbaycan Uşaqlar Birliyinin sədri Kəmalə Ağazadə Turan TV-də Kamran Mahmudovun təqdimatında yayımlanan “Çətin sual” verilişində bu və digər suallara cavab verir.
