Rusiya Prezidenti Vladimir Putin Ukraynaya qarşı silahlı təcavüzü və müharibənin yeni mərhələsini gücləndirmək üçün dövlət korporasiyalarına və oliqarxlara özəl hərbi şirkətlər yaratmağı əmr edib.
Bu iddia ilə beynəlxalq “Bellingcat”ın araşdırmaçı jurnalisti Xristo Qrozev çıxış edib.
“Putin oktyabrda döyüşün yeni mərhələsinə başlamaq istəyir. O deyir ki, Rusiyanın Ukraynadakı uğursuzluqları ordudakı korrupsiya və səriştəsizliklə bağlıdır. Ancaq Putin yenə də çox nikbindir. Bildirir ki, hər bir dövlət korporasiyası və oliqarx oktyabrda yeni mərhələ üçün öz şəxsi hərbi şirkətini yaratmalıdır”, - o bildirib.
