Daxili İşlər Nazirliyi (DİN) yanında İctimai Şura 1 dekabrda Bakı şəhərində Fəvvarələr meydanı ərazisində keçirilən aksiyada baş verənlər və saxlanılan şəxslərə bağlı Nazirliyə müraciət edib.Senzor.az bildirir ki, müraciətin mətni İctimai Şuranın sədri Əliməmməd Nuriyevin Facebook səhifəsində də yerləşdirilib.
Müraciətdə deyilir: “Dekabrın 1-də Bakı şəhərində Fəvvarələr meydanı ərazisində müvafiq qaydada razılaşdırılmayan aksiyanın keçirilməsinə cəhdin qarşısının alınması zamanı bir qrup şəxsin saxlanılması ilə bağlı rəsmi məlumat yayılıb. Saxlanılan şəxslər arasında xəsarət alanların olması ilə bağlı gün ərzində sosial şəbəkələrdə foto və video materiallar yayılıb. Saxlanılan şəxslər arasında olan Tofiq Yaqublunun KİV-də yayılan görüntülərindən onun fiziki təzyiqə məruz qalması aşkar görünür.
Daxili İşlər Nazirliyi yanında İctimai Şura hesab edir ki, polis razılaşdırılmayan aksiyalar zamanı ictimai qaydanı qorunması və ictimai təhlükəsizliyi təmin edilməsi vəzifəsini yerinə yetirərkən insan hüquq və azadlıqlarının qorunması üçün zəruri tədbirlər görməlidir. Azərbaycanın beynəlxalq aləmdə mövqelərinin möhkəmləndiyi indiki zamanda Tofiq Yaqubluya qarşı zor tətbiq edilməsi ölkəmizin nüfuzunun salınmasına hesablanmış davranış da ola bilər.
Daxili İşlər Nazirliyi yanında İctimai Şura baş verənlərin obyektiv və hərtərəfli araşdırılmasına, araşdırmanın nəticəsi ilə bağlı ictimaiyyətə geniş məlumat verilməsinə, günahkarların müəyyən edilərək cəzalandırılmasına çağırır”.
Yeri gəlmişkən, senzor.az xatırladır ki, Şuraya aşağıdakı şəxslər daxildirlər:
Xalid Kazımov - İctimai Şuranın sədr müavini, “Regional İnsan Hüquqları və Media Mərkəzi” İB
Mahirə Əmirhüseynova - İctimai Şuranın sədr müavini, XXI Əsrin Qadınları İctimai Birliyi
Sevda Məmmədova - İctimai Şuranın katibi, Azərbaycan Demokratik Jurnalistlər Liqası
Rəfail Becanov - İctimai Şuranın üzvü, “İnsan Hüquqları və Maarifçilik” İctimai Birliyi
Mətanət Cəfərova - İctimai Şuranın üzvü, "Əsgər Ailələrinə Dəstək" İctimai Birliyi
Gülayə Səfərova - İctimai Şuranın üzvü, “Ailə Dünyası” Ailələrə Hüquqi Yardım İB
Rauf Zeyni - İctimai Şuranın üzvü, Azərbaycan Milli Qeyri-Hökumət Təşkilatları Forumu
Mehriban Zeynalova - İctimai Şuranın üzvü, Təmiz Dünya Qadinlara Yardim İctimai Birliyi
Mehriban Abdullayeva - İctimai Şuranın üzvü, "Demokratik Cəmiyyət və Qadın Hüquqlarının Müdafiəsi" İB
Elməddin Muradov - İctimai Şuranın üzvü, Jurnalistika və İnkişaf Mərkəzi İctimai Birliyi
Araz Nurməmmədov - İctimai Şuranın üzvü, “Gender Bərabərliyi” İctimai Birliyi
Elçin Salmanov - İctimai Şuranın üzvü, “Azərbaycan Gənclərinin Hüquqlarının Müdafiəsi Mərkəzi” İctimai Birliyi
Taleh Şahsuvarov - İctimai Şuranın üzvü, “AzNews.az” analitik-informasiya portalı
Nadir Adilov - İctimai Şuranın üzvü, “Avrasiya Hüquqşünaslar Assosiasiyası” İctimai Birliyi
