Kaliforniya polisi Donald Trampın çıxış etdiyi yerin yaxınlığında əlində tapança və ov tüfəngi olan bir şəxsi saxlayıb.
Senzor.az yerli KİV-ə istinadən bildirir ki, bu barədə Kaliforniyanın Riversayd dairəsinin şerifi məlumat yayıb.
O bildirib ki, Trampın mitinqdə danışdığı yerin yaxınlığında əlində silah olan 49 yaşlı Vem Millerin həbsi yəqin ki, eks-prezidentin həyatına üçüncü cəhdin qarşısının alınmasıdır.
Bu həbsin tədbirin keçirilməsinə heç bir təsir etmədiyi də vurğulanıb.
KTLA telekanalının məlumatına görə, Miller tədbirə saxta buraxılış vərəqindən istifadə etməklə qatılmağa çalışıb.
O da maraqlıdır ki, fotoşəkillərə görə, Vem Respublikaçılar Partiyasının tərəfdarıdır.
Senzor.az