Gürcüstanda əlamətdar parlament seçkiləri ərəfəsində Azərbaycanın tanınmış jurnalisti, rusdilli populyar Haqqin.az portalının rəhbəri Eynulla Fətullayev çəkiliş qrupu ilə birlikdə Tbilisidə fəaliyyətə başlayıb.
Senzor.az bildirir ki, bu barədə E.Fətullayev özü açıqlama verib.
O, qeyd edib ki, oktyabrın 26-da keçiriləcək seçkilər yaxın gələcəkdə Gürcüstanın, eləcə də bütün regionun tarixi inkişafını əvvəlcədən müəyyənləşdirəcək: “Bu arada Tbilisidə siyasi gərginlik və hakimiyyət uğrunda çox ciddi mübarizə gözləntiləri hökm sürür. Seçkilərə bir neçə gün qalmış həm iqtidar, həm də müxalifət başqa alternativi yaxına buraxmayaraq qeyd-şərtsiz və sözsüz qələbə qazanacağını bəyan edir”.
Bu gündən haqqin.az mühüm hadisələri işıqlandırmağa, Tbilisidən videomateriallar və reportajlar dərc etməyə başlayıb.
Oxucuların və tamaşaçıların diqqətinə Eynulla Fətullayevlə Gürcüstan müxalifətinin, eləcə də Mixail Saakaşvilinin Vahid Milli Hərəkat Partiyasının liderlərindən biri, məşhur oliqarx, parlamentin deputatı Koba Nakopia arasında söhbəti təqdim edirik:
