Milli Məclisin keçmiş deputatı, Ana Vətən Partiyasının sabiq sədri Fəzail Ağamalı Heydər məscidində keçirilən vida mərasimindən sonra Ramana qəbiristanlığında dəfn edilib.
Senzor.az bildirir ki, vida və dəfn mərasimlərində mərhumun ailə üzvləri, Milli Məclisin deputatları, ictimai-siyasi xadimlər iştirak ediblər.
Xatırladaq ki, Fəzail Ağamalı uzun sürən xəstəlikdən sonra dünən axşam Ankarada vəfat edib.
Allah rəhmət eləsin!
**20:16 (09.02.2026)
Milli Məclisin sabiq deputatı, Ana Vətən Partiyasının keçmiş sədri Fəzail Ağamalı vəfat edib.
Senzor.az bildirir ki, bu barədə KİV-ə onun yaxınları məlumat veriblər.
O, 78 yaşında Türkiyədə dünyasını dəyişib.
Qeyd edək ki, bu barədə ilk xəbəri "manşet.az" yayıb.
Xatırladaq ki, F.Ağamalı Milli Məclisin 6 çağırış üzvü olub. Qızı Günay Ağamalı Milli Məclisə VII çağırış deputat seçilib. Hazırda o həm də Ana Vətən Partiyasının sədridir.
