Ermənistanın Tavuş rayonunun bir neçə sərhəd kəndinin sakinləri İrəvan-Tbilisi magistral yolunu (İcevanla Noyemberyan arasındakı hissədə) bağlayaraq rayonun qubernatoru Hayk Qalumyan və Ermənistanın baş naziri Nikol Paşinyanla görüş tələb edirlər. 

Senzor.az bildirir ki, bu barədə “Sputnik Ermənistan”a aksiya iştirakçılarından biri məlumat verib.

Onlar Ermənistan Xarici İşlər Nazirliyinin cümə günü Ermənistan-Azərbaycan sərhədinin delimitasiyası prosesinin başlanması ilə bağlı yaydığı bəyanata etiraz edirlər. Bu bəyanata əsasən, Qazaxın işğal altında olan 4 kəndı Azərbaycana qaytarılacaq. 

Onun sözlərinə görə, hadisə yerinə rayon polis idarəsinin nümayəndələri gəlib. Hüquq-mühafizə orqanlarının əməkdaşları da yolda sıxlığın qarşısını almaq üçün izdihamdan bir neçə kilometr aralıda magistral yolu bağlayıblar.

Toplaşanların məlumatına görə, tezliklə onların yanına həm qubernator, həm də Erməni Apostol Kilsəsinin Tavuş yeparxiyasının rəhbəri arxiyepiskop Baqrat Qalstanyan gəlməlidir.

Senzor.az