Türkyənin “Haber Global” telekanalının efirində İrəvanda Türkiyə və Azərbaycan bayraqlarının yandırılması tənqid olunub.
Studiyaya dəvət olunmuş ekspert, Altınbaş Universitetinin mütəxəssisi Eray Güclüer ermənilərin bu hərəkətini və aksiyaya icazə verən Paşinyan hökumətini qınayıb.
“Ermənilərin bu hərəkəti sadəcə cılızlıq və alçaqlıqdır. Cəsarətləri çatırsa, döyüş meydanında Azərbaycan Ordusuna cavab versinlər. Halbuki 44 günlük müharibə zamanı Ermənistanın kiçik ordusunun minlərlə fərarisi var idi. Əgər vətənlərini belə sevirlərsə, niyə döyüşdən qaçırdılar?”, - deyə Güclüer bildirib.
O xatırladıb ki, tarixi və dövlətçilik ənənələri olmayan erməni toplumu diasporun əlində alətə çevrilib.
Müzakirədə iştirak edən digər ekspertlər də birmənalı olaraq bayraq təxribatını qınayıblar.
