Ukrayna üçün əlavə maliyyə yardımı ən çox bu ilin sonuna qədər kifayət edəcək.

Bu barədə "The Hill" nəşri xəbər yayıb.

"Hər iki partiyanın senatorları bu həftə Konqresin təsdiqlədiyi 61 milyard dollarlıq paketin Kiyevə noyabrın sonuna qədər, ən çoxu ilin sonuna qədər kömək edəcəyini gözləyirlər", - deyə bildirilib.

Qeyd edək ki, ötən gün ABŞ Prezidenti Co Bayden Ukraynaya 61 milyardlıq hərbi yardımı təsdiqləyib.

Eyni zamanda, nəşr respublikaçı konqresmenlərdən birinin köməkçisinə istinadən yazıb ki, Pentaqon avropalı tərəfdaşlarla əlaqə saxlayaraq, “Ukraynaya maliyyə yardımı üçün növbəti sorğunu sentyabrda formalaşdırmağa başlayacaq”.