Böyük Britaniyada müxalif Leyboristlər Partiyasının nümayəndəsi Sadiq Xan yenidən Londonun meri seçilib və bu vəzifəni üçüncü dəfə icra edəcək.
Senzor.az yerli KİV-ə istinadən bildirir ki, mayın 2-də İngiltərədə keçirilən regional seçkilərin yekun nəticələrində belə deyilir.
Bildirilib ki, 53 yaşlı siyasətçi 43,7 faiz (1 milyon 88 min 225 səs), hakim Mühafizəkarlar Partiyasının nümayəndəsi Syuzan Holl isə londonluların 32,6 faizinin (811 min 518 səs) dəstəyini qazanıb.
Qeyd edək ki, Sadiq Xan bundan əvvəl 2016 və 2021-ci illərdə London meri seçilmişdi.
