Slovakiya Baş nazirinə atəş açan şəxs 71 yaşlı yazıçı Yuray Sintula imiş.

Senzor.az yerli KİV-ə istinadən bildirir ki, o, liberal “Proqressiv Slovakiya” partiyasının tərəfdarıdır.

Sintula sosial şəbəkələrdə solçulara, son illərdə isə şəxsən Fitsoya nifrətini açıq şəkildə ifadə edib.

Hazırda Fitso əməliyyat olunur. Onun partiyasının nümayəndələrinin fikrincə, qarşıdakı saatlar həlledici olacaq.

Sui-qəsd cəhdi ilə əlaqədar Slovakiya Prezidenti Peter Pelleqrini xarici səfərini yarımçıq qoyaraq vətəninə qayıdır.

Helikopterlə Bratislavaya aparılan Baş nazirin vəziyyətinin çox ağır olduğu bildirilir.

Şahidlərin dediklərinə görə, Fitso Nazirlər Kabinetinin iclasından sonra xalqın qarşısına çıxdığı zaman ard-arda üç-dörd güllə səsi eşidilib.