Çeçenistan rəhbərinin oğlu Axmat Kadırov bölgənin bədən tərbiyəsi və idman naziri vəzifəsinə təyin edilib.
Bu barədə respublikanın başçısı Ramzan Kadırov "Telegram" kanalında məlumat verib.
"Axmat Kadırov Çeçenistan Respublikasının Bədən Tərbiyəsi və İdman Naziri vəzifəsinə təyin edilib, əvvəllər bu vəzifəni icra edən İsa İbrahimov Çeçenistan Respublikasının hökumət administrasiyası rəhbərinin müavini vəzifəsinə keçirilib", - o yazıb.
Xatırladaq ki, ilin əvvəlində Ramzan Kadırovun qızı Xədicat region başçısı və hökuməti administrasiyası rəhbərinin birinci müavini vəzifəsinə təyin edilmişdi. Eyni zamanda, apreldə siyasətçinin digər qızı Təbarik Kadırova “Çeçenistan Respublikası qarşısında xidmətlərə görə” medalı ilə təltif edilmişdi.
Bundan başqa, ötən il Kadırov hələ 16 yaşı olan oğluna yüksək vəzifə vermişdi.
