Avropa İttifaqı (Aİ) Rusiyanın aktivlərini blokdan çıxarmayacaq, çünki onların reinvestisiyasından əldə edilən gəlirlər Yeddilik Qrupunun (G7) Ukraynaya verdiyi hərbi kreditlər üçün zəmanət rolunu oynayır.
TASS xəbər verir ki, bunu Avropa Şurasının sədri Antoniu Koşta Brüsseldəki Avropa Siyasəti Mərkəzində çıxış edərkən bildirib.
Qeyd edək ki, Aİ Şurasının 2023-cü il dekabr qərarına görə, G7 xətti ilə dondurulmuş Rusiya aktivlərinin reinvestisiyasından əldə edilən gəlirlər hesabına açılan kredit proqramı 40 milyard avrodur və 2027-ci ilə qədər nəzərdə tutulub. Bu kreditlər üzrə ödənişlər isə 2040-cı ilə qədər başa çatdırılmalıdır.
Koşta həmçinin bildirib ki, Rusiyanın aktivləri Ukraynaya təzminat ödənilməsi üçün istifadə edilməlidir.
