Ermənistanın baş naziri Nikol Paşinyan vaxtilə Azərbaycan ərazisində separatçılıq alovunu qızışdırmış “Qarabağ hərəkatı”nın Ermənistan dövlətinin quruculuğununda maneə olduğunu bildirib.

Senzor.az yerli KİV-ə istinadən bildirir ki, Ermənistanın baş naziri Nikol Paşinyan bu barədə martın 26-da parlamentdə "Hökumət saatı"nda danışıb.

"Xüsusilə, hökumətin hesabatlarının müzakirəsi zamanı söylədiklərimdən sonra, mövqeyimi birbaşa ifadə etməsəm, səmimi olmaram. O zaman qeyd etdim ki, “Qarabağ hərəkatı” erməni dövlətçiliyinin formalaşmasına mane olmaq üçün istifadə edilib. Buna görə də birmənalı olaraq hesab edirəm ki, “Qarabağ hərəkatı” davam etməməlidir", - Paşinyan bildirib.

Onun sözlərinə görə, “Qarabağ hərəkatı”nın davam etdirilməsindən imtina məntiqində ATƏT-in Minsk qrupunun buraxılması məsələsinin müzakirəsini mümkün hesab edir.

Bununla belə, Paşinyan bu məsələ ilə bağlı yekun qərarın qəbul edilməsində tələsmədiyini etiraf edib.