Koreya Respublikasının Konstitusiya Məhkəməsi aprelin 4-də Prezident Yun Sok Yolun işi ilə bağlı qərar çıxaracaq.
“New York Times” qəzetinin məlumatına görə, məhkəmənin hökmü siyasətçinin vəzifədən birdəfəlik uzaqlaşdırılacağına və ya hakimiyyətə qaytarılacağına aydınlıq gətirəcək. Yun Sok Yolun vəzifədən kənarlaşdırılması üçün səkkiz hakimdən azı altısının razılığı tələb olunur, əks halda o, səlahiyyətlərini bərpa edəcək.
Xatırladaq ki, 2024-cü il dekabrın 3-də Prezident Yun Sok Yol ölkədəki KXDR tərəfdarları ilə mübarizə aparmağın zəruriliyini əsas gətirərək respublikada hərbi vəziyyət rejimi elan etmişdi. Daha sonra Cənubi Koreya prokurorluğu onu qiyamda ittiham edərək vəzifədən kənarlaşdırmışdı.
