Gürcüstan parlamentinin deputatları İliya İncia, Varlam Liparteliani və Nika Elisaşvili parlament çoxluğunu tərk ediblər.

AZƏRTAC xəbər verir ki, bu barədə parlamentdə keçirilən brifinqdə deputat İlia İncia məlumat verib. Deputat bildirib ki, onlar Gürcüstan parlamentində “Avropa sosialistləri” əsasında müxalifət parlament siyasi qrupu yaradırlar. Varlam Liparteliani və Nika Elisaşvili də parlamentdə İliya İncia ilə birlikdə müxalifət partiyası kimi fəaliyyətlərini davam etdirəcəklər.

İlia İncianın sözlərinə görə, kollegiallıq prinsipinə tam riayət olunub və qərarla bağlı əksəriyyət məlumatlandırılıb: "Üç müxalifət birliyinin təmsilçilərinin mandatlarına xitam verildi. Hesab edirəm ki, bu vəziyyət Gürcüstanda yeni siyasi mədəniyyətin formalaşması üçün yeni imkanlar yaradır”.

Onun sözlərinə görə, “Avropa Sosialistləri"nin radikal müxalifətə münasibəti bu günə qədər olduğu kimi prinsipial olaraq qalacaq. Yeni siyasi qrup öz missiyasını sağlam müxalifət funksiyasını yerinə yetirməkdə görür. Bu da hökumətin və parlament çoxluğunun fəaliyyətinə effektiv nəzarəti həyata keçirməyə, qanunvericilik təşəbbüslərini Gürcüstanın daha yaxşı əsaslarla müzakirəsinə və gələcək üçün böyük nümayəndə heyətinin müzakirəsinə cəlb etməyə imkan verəcək: "Əminəm ki, fəaliyyətimiz ölkənin inkişafına yönəlmiş siyasi sistemlərin qurulmasında mühüm rol oynayacaq".