Azərbaycan Prezidenti İlham Əliyevin bu gün Qırğız Respublikasına dövlət səfəri başlayıb.
Senzor.az bildirir ki, Azərbaycan Prezidentinin təyyarəsi “Manas” Beynəlxalq Hava Limanına enib.
Hər iki ölkənin Dövlət bayraqlarının dalğalandığı “Manas” Beynəlxalq Hava Limanında Prezident İlham Əliyevin şərəfinə fəxri qarovul dəstəsi düzülüb.
Hava limanında Prezident İlham Əliyevi Qırğız Respublikasının Prezidenti Sadır Japarov qarşılayıb. 
**01:38
Azərbaycan Respublikasının Prezidenti İlham Əliyev bu il oktyabrın 11-12-də Qırğız Respublikasında dövlət səfərində olacaq.
Senzor.az bildirir ki, Qırğızıstan Prezidentinin saytında yerləşdirilən məlumatda belə deyilir.
Qeyd olunur ki, səfər zamanı İ.Əliyev Qırğızıstan Prezidenti Sadır Japarovla ikitərəfli danışıqlar aparacaq. 
Liderlər “ikitərəfli və çoxtərəfli əməkdaşlıqla bağlı aktual məsələləri, habelə gələcək inkişaf və səmərəli qarşılıqlı əlaqələr qurulmasının perspektivlərini” müzakirə edəcəklər.
Səfər zamanı həmçinin Dövlətlərarası Şuranın birinci iclasının keçirilməsi planlaşdırılır.
Bundan başqa, "Qırğızıstan-Azərbaycan Dostluğu" parkının, habelə Heydər Əliyev adına və Nizami Gəncəvi adına ümumtəhsil məktəblərinin açılışı olacaq.
Senzor.az
