Almaniya Ukraynaya vəd edilmiş dörd “Iris-T SLM” hava hücumundan müdafiə sistemlərindən birincisini təhvil verib.
“Spiegel”in yazdığına görə, təhvilvermə prosesi Polşa-Ukrayna sərhədi yaxınlığında baş tutub.
“Diehl Defense” şirkəti tərəfindən hazırlanan silah Almaniyada ən müasir hava hücumundan müdafiə sistemidir.
Quruda yerləşən zenit sistemi ilk növbədə Rusiya ordusunun hava zərbələrini dəf etməklə mülki əhalinin müdafiəsi məqsədi daşıyır.
Böyük şəhərlərin də hava hücumlarından qoruna biləcəyi qeyd edilir.
Zenit raketləri 20 kilometr hündürlükdə və 40 kilometr uzaqlıqdakı hədəfləri vura bilir.
