"Hədəfimiz Ukraynada axan qanı dayandırmaqdır. Ona görə də Rusiya-Ukrayna müharibəsi ədalətli sona çatmalıdır.
Senzor.az bildirir ki, bunu Türkiyə Prezidenti Rəcəb Tayyib Ərdoğan Qazaxıstanın paytaxtı Astanada keçirilən Asiyada Əməkdaşlıq və Etimad Tədbirləri üzrə Müşavirənin (CICA) 6-cı Zirvə Toplantısında deyib.
Ərdoğan qeyd edib ki, məqsəd sahədəki çətinliklərə baxmayaraq əldə edilən sürəti qoruyub saxlayaraq, axan qanların ən qısa zamanda dayandırılmasını təmin etməkdir.
Prezident sammitdə dünyaya müraciət edərək, Rusiya-Ukrayna müharibəsində ədalətli sülhün təmin edilməli olduğunun vacibliyini vurğulayıb.
Türkiyə lideri çıxışında həmçinin bildirib ki, dünyanın təhlükəsizlik sisteminin arxitekturası yenidən işlənməlidir. BMT Təhlükəsizlik Şurasının beş daimi üzvünü nəzərdə tutan Ərdoğan yenə özünün məşhur ifadəsini səsləndirib: “Dünya 5-dən böyükdür”.
"Biz hesab edirik ki, qlobal təhlükəsizliyin arxitekturası daha ədalətli və yeni anlayış əsasında yenidən işlənməlidir", - Ərdoğan vurğulayıb.
