Avropa İttifaqının texniki qrupu bu gün Ermənistana səfər edəcək.
Senzor.az xəbər verir ki, bu barədə Ermənistanın Xarici İşlər Nazirliyi məlumat yayıb.
Qrupun məqsədi Ermənistan-Azərbaycan sərhədində yerləşdiriləcək Avropa İttifaqı missiyasının konkret yerlərini müzakirə etməkdir.
Xatırladaq ki, Çexiyanın paytaxtı Praqada Azərbaycan Respublikasının Prezidenti İlham Əliyev, Avropa İttifaqı Şurasının sədri Şarl Mişel, Fransa Prezident Emmanuel Makron və Ermənistanın baş naziri Nikol Paşinyanın iştirakı ilə keçirilən görüşdə iki ölkə sərhədində Aİ-nin mülki missiyasının yaradılması barədə razılıq əldə olunmuşdu. Daha sonra Aİ Şurasının Siyasi və Təhlükəsizlik Komitəsi buna razılıq verib.
