Sentyabrda Rusiya vətəndaşlığından imtina edərək Qarabağa köçən İrəvan əsilli milyarder Ruben Vardanyan Moskvaya gedib.

Bu barədə Ermənistan KİV-i məlumat yayıb.

Amma səfərin məqsədi açıqlanmayıb.

Modern.az xatırladır ki, Qarabağ separatçılarının başçısı Araik Autyunyan bir müddət öncə ona “Artsaxın dövlət naziri” “vəzifəsini” tutmaq üçün açıq təklif vermişdi. Vardanyan isə cavabında ona müvafiq səlahiyyətlər verilsə, razılaşacağını bildirmişdi.

İndi Vardanyanın gözlənilmədən Moskvaya getməsi bəzi suallar doğurub.

Mümkündür ki, Vardanyan “Artsaxın dövlət naziri” “vəzifəsinə” təyinatdan əvvəl Rusiyanın siyasi dairələri ilə məsləhətləşmələr aparmağa gedib. Çünki Ruben Vardanyanın “Kremlin proyekti” olduğu barədə məlumatlar var. Qeyd olunur ki, erməni milyarderin Kremlin sahibi Vladimir Putinin icazəsi olmadan Rusiya vətəndaşlığından imtina etməsi, həm də oradakı biznesini qoruyub saxlaması qətiyyən mümkün deyil.