NATO-nun baş katibi Yens Stoltenberq iyulda ABŞ-də keçiriləcək NATO sammitində Ukraynaya beş il ərzində silah tədarükü üçün 100 milyard dollarlıq fond yaratmağı təklif edəcək.

Bu barədə “Bloomberg” öz mənbələrinə istinadən məlumat yayıb.

Lakin həmin  məlumat hələlik NATO-nun qərargahından rəsmən təsdiq edilməyib.

Bildirilir ki, fond bütün NATO ölkələri tərəfindən dəstəklənməlidir.

Məlumatda, həmçinin vurğulanır ki, iyula qədər bu təklifdə dəyişikliklərin edilməsi ehtimalı yüksəkdir.