Türkiyədə İŞİD terror təşkilatına qarşı “BOZDOĞAN-21” əməliyyatı keçirilib. Əməliyyat zamanı İstanbulda Santa Mariya kilsəsinə silahlı hücumla bağlı və münaqişə bölgələri ilə təmasda olan şəxslər başda olmaqla 48 şübhəli ələ keçirilib.
Senzor.az bildirir ki, Türkiyə daxili işlər naziri Ali Yerlikayanın “X” hesabındakı paylaşımında belə deyilir.
“İstanbul Terrorla Mübarizə İdarəsi tərəfindən aparılan işlər nəticəsində İstanbulun Sarıyer rayonundakı Santa Mariya kilsəsinə silahlı hücumun səbəbkarları ilə əlaqəsi olan və münaqişə bölgələri ilə təmasda olduqları müəyyən edilən 30 şübhəli şəxs saxlanılıb.
Ankara Təhlükəsizlik İdarəsi tərəfindən aparılan işlər nəticəsində isə İŞİD terror təşkilatı ilə əlaqəsi olduğu müəyyən edilən daha 18 şübhəli şəxs ələ keçirilib”, - deyə paylaşımda bildirilib.