Rusiya Ermənistandan aprelin 5-də Brüsseldə ABŞ və Avropa İttifaqı (Aİ) ilə əldə olunmuş "hərbi-siyasi razılaşmalar" haqqında açıqlama gözləyir.
Senzor.az yerli KİV-ə istinadən bildirir ki, bunu aprelin 18-də RF XİN-in rəsmi nümayəndəsi Mariya Zaxarova deyib.
"ABŞ və Aİ nümayəndələrinin həqiqətən Brüsseldə Rusiya hərbi bazasının və Rusiya sərhədçilərinin ABŞ, NATO və Aİ mütəxəssisləri ilə əvəz olunmasını, Qərbin Ermənistan sərhədində Azərbaycan və İrana qarşı təxribat işlərinin genişləndirilməsini, habelə Metsamor AES sökülməklə, Ermənistanın kritik əhəmiyyət kəsb edən infrastrukturunun və enerji sisteminin yenidən istiqamətləndirilməsini nəzərdə tutan planlarını Yerevana zorla qəbul etdirdiyi məlum olsa, bu, Moskvada təəccüb doğurmayacaq", - deyə o bildirib.
Zaxarova qeyd edib ki, Qərb Ermənistana yalnız regionda yeni böyük yanğını alovlandırmaq üçün üçün alət rolunu verir.
