Rusiya lideri Vladimir Putinlə görüş zamanı ondan təbii qaz tədarükü ilə bağlı yeni müqavilə bağlanmasını xahiş etdim.
Senzor.az bildirir ki, bunu Serbiya Prezidenti Aleksandar Vuçiç jurnalistlərə görüşdən sonra deyib.
"Bizə əhəmiyyətli dərəcədə qaz lazımdır. Biz Azərbaycandan daha az, lakin bizim üçün vacib olan həcmdə təbii qaz alırıq, amma idxalımızın böyük hissəsi Rusiyanın payına düşür... Elektrik enerjisi ən az olduğu zaman, əlavə qaz həcmləri ilə qaz istilik elektrik stansiyalarında əlavə elektrik enerjisi istehsal edə bilərik. Bunun üçün bizə tədarüklərin çevikliyi lazımdır, mən bunu Prezident Putindən xahiş etdim, münasib qiymət və böyük həcmlər istədim. Bu bizim üçün üç əsas məsələdir", - Vuçiç vurğulayıb.
