Ermənistan Silahlı Qüvvələrində yeni səhra hərbi formasının sınaqları keçirilir.
Senzor.az yerli KİV-ə istinadən bildirir ki, bu barədə Ermənistanın Müdafiə Nazirliyindən məlumat verilib.
Qeyd olunub ki, hərbçilər yeni formanı poliqonlarda və təlim mərkəzlərində sınaqdan keçirirlər. Forma müxtəlif hava şəraitində və ekstremal vəziyyətlərdə yoxlanılır, onun üstün və çatışmayan cəhətləri müəyyənləşdirilir.
Yeni formanın komplektinə daxil olan ayaqqabılar da hərbçilər tərəfindən sınaqdan keçirilib. Onlardan yürüşlər və xüsusi təlimlər zamanı istifadə olunub.
Ermənistan Müdafiə Nazirliyi yeni səhra formasının sınaqlarının nəticələrinə əsasən onun təkmilləşdirilməsi və istifadəyə verilməsi ilə bağlı qərar qəbul edə bilər.
