Türkiyənin İstanbul şəhərinin həbsdə olan bələdiyyə sədri Əkrəm İmamoğlu onun siyasi məhbus olmadığını iddia edən Cümhuriyyət Xalq Partiyasının (CHP) sədri Kamal Kılıçdaroğluna sərt təpki göstərib.
“Teleqraf” xəbər verir ki, bələdiyyə rəhbəri məhkəmənə qərarı ilə yenidən CHP-nin sədr postuna keçən Kılıçdaroğlunun cəmiyyət arasına çıxmağa üzünün qalmadığını bildirib.
“Mən cümhuriyyət, demokratiya və ədalət uğrunda mübarizənin məhbusuyam. Amma Yaradanıma şükürlər olsun ki, millətin gözündə küçəyə çıxa, prospektlərdə, meydanlarda gəzə bilməyən, cəmiyyətin vicdanına həbs olunmuş siyasi bədən deyiləm”, - Əkrəm İmamoğlu bildirib.
Kamal Kılıçdaroğlu bundan əvvəl İstanbulun bələdiyyə sədri haqqında belə demişdi: “O, siyasi məhbus deyil. Siyasi baxışlarına görə həbs edilməyib”.
