Polşa, Sloveniya və Çex Respublikasının baş nazirləri Ukrayna paytaxtı Kiyevə gəliblər. Senzor.az bildirir ki, bu barədə Polşa hökumətinin başçısı Mateuş Moravetski öz “Twitter” səhifəsində məlumat yayıb.
“Məhz burada, müharibənin tüğyan etdiyi Kiyevdə tarix yazılır. Məhz burada azadlıq zülm dünyası ilə mübarizə aparır. Məhz burada bizim hər birimizin gələcəyi nizamnlanır. Aİ Ukraynanı dəstəkləyir. Bu ölkə dostlarının köməyinə arxayın ola bilər. Bu, bizim bu gün Kiyevə çatdırdığımız mesajdır”, - o yazıb.
Qeyd edək ki, nümayəndə heyətinə Polşanın baş naziri Mateuş Moravetski, baş nazirin müavini Yaroslav Kaçinski (o həm də Polşanın hakim “Hüquq və Ədalət” partiyasının lideridir), Çexiyanın baş naziri Petr Fiala və Sloveniyanın baş naziri Yanez Yanşa daxildir.
It is here, in war-torn Kyiv, that history is being made. It is here, that freedom fights against the world of tyranny. It is here that the future of us all hangs in the balance. EU supports UA, which can count on the help of its friends - we brought this message to Kyiv today. pic.twitter.com/Us7k9xTq5f
— Mateusz Morawiecki (@MorawieckiM) March 15, 2022
