Ukraynada Rusiyaya işləyən diversant saxlanılıb. Senzor.az yerli KİV-ə istinadən bildirir ki, həmin şəxs Kiyev metrosunun stansiyalarından birində tutulub.
Kiyev Şəhər Dövlət Administrasiyasının sədr müavini Konstantin Usov deyib ki, həmin şəxs paytaxta Rusiyadan gəlib: “Biz onun smartfonunda Ukrayna Silahlı Qüvvələrinin mühüm infrastruktur obyektlərinin, nəzarət-buraxılış məntəqələrinin və yerlərinin fotoşəkillərini tapdıq. Bundan əlavə, saxlanılan şəxsin telefonunda Rusiya abunəçiləri ilə aktiv yazışmalar və Rusiya Federasiyasının vergi ödəyicisinin şəxsi hesabı var”.
Həmin şəxs əlavə araşdırmalar aparılması üçün Ukrayna Təhlükəsizlik Xidmətinə təhvil verilib.
Xatırladaq ki, bir müddət öncə UTX Rovnoda Ukrayna Silahlı Qüvvələrinin yerdəyişmələri, daşınmaları barədə məlumatı Rusiyaya ötürən yerli sakini saxlamışdı.
