İsrailin Baş naziri Naftali Bennet kəşfiyyat xidmətindən mühüm atəşkəs danışıqları üçün Kiyevə səfərinə hazırlaşmağı xahiş edib. Bu barədə “The Times of Israel” məlumat yayıb.
Qeyd edilir ki, İsrail Təhlükəsizlik Xidmətinin əməkdaşları Rusiyanın Ukrayna şəhərlərini bombalaması fonunda belə bir səfərin məxfi xidmətlər üçün dəhşətli olacağını düşünürlər.
Məlumata görə, İsrail rəsmiləri artıq Ukrayna hakimiyyətinə xəbərdarlıq ediblər ki, Bennet Kiyevə fotosessiya xatirinə gəlmir. O, konkret məqsədlər üçün səfər edir. Əgər münaqişə tərəfləri atəşkəsə hazır olsalar, ölkələrə müharibənin sona çatmısana kömək edəcək.
Xatırladaq ki, Bennet bu məqsədlə artıq Rusiyada Putini ziyarət edib. Son məlumata gəlincə, Baş nazir hələlik onu şərh etməyib.
