Türkiyə Böyük Millət Məclisinin sədri Mustafa Şəntop, Azərbaycan Milli Məclisinin sədri Sahibə Qafarova və Pakistan Milli Məclisinin sədri Raza Pərviz Eşref ilə birlikdə “Baykar” şirkətinə gedib.
Senzor.az bildirir ki, bu barədə şirkətin mətbuat xidməti məlumat yayıb.
Bildirilib ki, Türkiyə, Azərbaycan və Pakistan “Üçlü Assambleyası Başçılarının İkinci Toplantısı” üçün İstanbulda bir araya gələn sədrlər daha sonra Özdemir Bayraktar Milli Texnologiya Mərkəzini ziyarət ediblər. Səfər çərçivəsində Assambleyanın sədrlərinə “Baykar” tərəfindən milli və xüsusi olaraq hazırlanmış PUA-lar haqqında məlumat verilib.
Ziyarətdən xatirə kimi Məclis sədrlərinə “Bayraktar AKINCI” modeli təqdim olunub.
