“Avqustun 4-də Azərbaycanın Londondakı səfirliyinə hücumu Azərbaycan hökumətinə müxalif olan "The Mahdi Servants Union"un (“Mehdinin xidmətçiləri” birliyi) üzvləri həyata keçiriblər”.
Senzor.az haqqin.az-a istinadən bildirir ki, bu bəyanatla avqustun 4-də Azərbaycanın Londondakı səfirliyinə hücum edən ekstremist təşkilat çıxış edib.
Bəyanatda təşkilat Azərbaycan hökumətini "insanların azadlığı və hüquqlarına qəsd etməkdə"ittiham etdiyi Türkiyə Prezidenti Rəcəb Tayyib Ərdoğan və Rusiya Prezidenti Vladimir Putinlə bir sıraya qoyur.
Bəyanatda həmçinin bildirilir ki, hücuma səbəb “evinin divarlarına İmam Hüseynin adını yazan azərbaycanlı qadının təqib və alçaldılması” olub.
“Birlik bütün dünyada şiələrin bu cür etirazlarını dəstəkləyir və onların hüquq və təhlükəsizliyinin qorunmasına çağırır”, - deyə təşkilat bəyanatında vurğulayıb.
Senzor.az
