Erməni vandallığını sübut edən yeni görüntülər yayılıb.

Senzor.az bildirir ki, kadrlarda Laçın rayonunun Zabux kəndində qanunsuz məskunlaşan erməni sakinin yaşadığı evə od vurması əks olunub.

O, öz əməlini kəndin Azərbaycanın nəzarətinə qayıtması ilə əsaslandırıb və evin türklərə qalmaması üçün belə etdiyini bildirib.

Qeyd edək ki, Azərbaycan ərazisində məskunlaşmış ermənilərin analoji hərəkətləri artıq adi hal alıb. Onlar 44 günlük Vətən Müharibəsi ərzində də işğaldan azad olunan ərazilərdə çoxlu sayda əmlaka ziyan vurublar.

Onu da qeyd edək ki, Laçın şəhərindən, Zabux və Sus kəndlərindən qanunsuz məskunlaşmış ermənilərin çıxarılması üçün avqustun sonunadək vaxt verilib.