"Azərbaycan Hava Yolları" QSC-nin (AZAL) Bakı-Moskva (Vnukovo aeroportu) marşrutu üzrə həyata keçiriləcək J2-807 reysi texniki səbəbdən gecikir.
Senzor.az bildirir ki, bu barədə AZAL-dan məlumat verilib.
Məlumata görə, hazırda sərnişinlər Heydər Əliyev Beynəlxalq Aeroportunun aerovağzal kompleksində yerləşdirilib. Onlar aviaşirkətin qaydalarına uyğun olaraq bütün zəruri vasitələrlə təmin ediləcəklər.
Xatırladaq ki, həmin reysdə dünən də texniki problem yaranmış və təyyarə yarı yoldan geri qayıtmışdı. Sonradan ekipaj üzvləri və mühəndis-texniki heyət tərəfindən təyyarəyə baxış keçirilərkən məlum olmuşdu ki, xəbərdarlıq siqnalı sensorların nasazlığını düzgün əks etdirməyibmiş...
Senzor.az
