“Jurnalistin həyatı qəribə və təzadlıdır. Ukraynada rus əsgərinin gülləsinə tuş gələ bilərdim, Laçında və Zabuxda isə rus əsgərləri məni erməni terrorçularından qoruyurdu….”
Senzor.az bildirir ki, Azərbaycanın məşhur araşdırmaçı jurnalisti, Haqqin.az portalının rəhbəri Eynulla Fətullayev bunları dünən sosial şəbəkədə son günlər Azərbaycan-Ermənistan münasibətlərində yeni qarşıdurma nöqtəsinə çevrilmiş Laçın rayonunun Zubax kəndindən qayıdarkən yazmışdı.
Zabuxa gedərkən isə onun girəcəyində vurğulamışdı: “Kənd hələ ki salamatdır. Amma kəndi silahlı daşnaklarla və millətçilərlə doldurublar. Ermənilərin qərargahına yollanıram!!!”.
Eynulla Fətullayev bu riskli səfərindən artıq ilk reportajını haqqin.az saytında yayımlayıb.
Jurnalist ermənilərin qərargahına necə gedib çıxıb, nələrlə və kimlərlə qarşılaşıb, təəssüratları necədir və ən əsası hansı qənaətə gəlib? Bütün bu və digər suallara həmin reportajda cavab tapa bilərsiniz.
Mütləq oxuyun: https://haqqin.az/news/257120