Ermənistan Təhlükəsizlik Şurasının katibi Armen Qriqoryan və Azərbaycan Prezidentinin köməkçisi Hikmət Hacıyev oktyabrın 5-də iki dövlət liderləri arasında İspaniyanın Qranada şəhərində keçiriləcək danışıqlara hazırlıq məqsədilə sentyabrın 26-da Brüsseldə görüşəcəklər.
Senzor.az bildirir ki, bu barədə məlumatı Ermənistan Təhlükəsizlik Şurasının mətbuat xidməti yayıb.
“Ermənistan Təhlükəsizlik Şurasının katibi Armen Qriqoryan Belçikanın paytaxtı Brüsselə işgüzar səfərə gedəcək, sentyabrın 26-da orada, liderlərin oktyabrın 5-də Qranadada keçirilməsi planlaşdırılan görüşünə hazırlaşmaq üçün Fransa prezidenti Emmanuel Makronun, Almaniya Kansleri Olaf Şoltsun, Avropa İttifaqı Şurasının sədri Şarl Mişelin müşavirləri və Azərbaycan Prezidentinin köməkçisi Hikmət Hacıyevlə görüşəcək”, - mətbuat xidməti bildirib.
Senzor.az
