İranda məhkəmə Azərbaycanın Tehran şəhərində yerləşən səfirliyində terror aktı törədən Yasin Hüseynzadə barəsində edam hökmü çıxarıb.
Bu barədə Azərbaycan Dövlət Televiziyası (AzTV) məlumat yayıb.
Qeyd olunub ki, edamın nə vaxt icra ediləcəyi məlum deyil.
Xatırladaq ki, bu il yanvarın 27-də səhər saatlarında baş verən terror aktı zamanı Azərbaycan səfirliyinin bir əməkdaşı - diplomatik nümayəndəliyin mühafizə xidmətinin rəhbəri Orxan Əsgərov həlak olub, iki mühafizəçi isə yaralanıb.
