Məşhur jurnalist Şahvələd Çobanoğlu Gədəbəyin hazırda həbsdə olan keçmiş icra başçısı Saleh Rüstəmli ilə bağlı maraqlı bir faktı ictimailəşdirib. Senzor.az onun Facebook-da paylaşdığı statusunu olduğu kimi təqdim edir: “Bir faktı yazım – tariximizin dəhşətini göz önünə gətirin. İndi ölüm təhlükəsi altında olan Saleh Rüstəmli həmişə Başkənd əməliyyatının qəhrəmanı, təşkilatçısı kimi təqdim edilir.
Amma onun dəyəri tək bu deyil. İcra başçısı olanda YAP rayon təşkilatı təsis edilmişdi. Saleh bəy “müxalifətin olması bizim siyasi baxışlarımız üçün tam qanunidir, cəmiyyət bir qütblü ola bilməz” deyib quruma, bütün digər müxalifət təşkilatlarına olduğu kimi, qərargah ayırmışdı, təsis konfransı üçün yer ayırmışdı...VƏ... konfransa təbrik məktubu yollamışdı ki, demokratiya plüralizm və siyasi palitraya yox deməməlidir.
İndi onlar Salehi öldürür!”.
