Sabiq dövlət katibi, Azərbaycan Liberal Partiyasının lideri, professor Lalə Şövkət Gədəbəyin keçmiş icra başçısı, həbsdə aclıq aksiyası keçirən Saleh Rüstəmovla bağlı Prezident İlham Əliyevə müraciət edib.Senzor.az bildirir ki, Lalə Şövkət dövlət başçısından Saleh Rüstəmovun azadlığa buraxılmasını xahiş edib:
"Cənab Prezident!
Mən ilk dəfədir Sizə müraciət edirəm.
39 gün aclığı davam etdirən Saleh Rüstəmov artıq ölüm ayağındadır. Qarabağ qəhrəmanı, vətənpərvər insanın belə vəziyyətə salınması bağışlanmaz ədalətsizlikdir.
Qarabağ qazisinin məhbəsdə ölməsi Azərbaycan tarixinin ən qara səhifəsi ola bilər. Saleh bəyi ölməyə qoymayın!"
Xatırladaq ki, S.Rüstəmov günahsız həbs olunduğunu bəyan edərək 1 aydan çoxdur aclıq aksiyası keçirir.
