“Azərbaycanla sazişi qiymətləndirməmək olmaz. Bu, mühüm sazişdir və ümid edirəm ki, biz onu dəqiqliklə həyata keçirəcəyik. Bu, vacib layihədir və regiondakı iqtisadi, siyasi, eləcə də təhlükəsizlik mühitini dəyişəcək”.Senzor.az yerli KİV-ə istinadən bildirir ki, bunları Ermənistanın baş naziri Nikol Paşinyan hökumətin iclasında Arazdəyən-Culfa-Ordubad-Mehri-Horadiz dəmir yolu layihəsindən danışarkən deyib.
O bildirib ki, yaxın gələcəkdə diqqəti bu problemin həllinə yönəltmək lazımdır. Paşinyan xatırladıb ki, Əliyevlə həmçinin ikitərəfli gündəlikdəki məsələlər üzrə təmasların davam etdirilməsi barədə razılıq əldə olunub.
Onun sözlərinə görə, tərəflər ümumi yanaşma və baxış nöqtələrini formalaşdırmağa, eyni zamanda fikir ayrılıqlarını aradan qaldırmağa çalışacaqlar.
Nikol Paşinyan deyib ki, Türkiyə ilə sərhədlər və kommunikasiyaların açılması razılığı əldə olunduğu təqdirdə Gümrü-Qars dəmir yolunun işə salınması da mümkündür.
