Hakim “Gürcü arzusu” partiyasının təsisçisi və onun fəxri sədri Bidzina İvanişvili mayın 14-də Tbilisiyə səfər edəcək ABŞ dövlət katibinin köməkçisi Ceyms O`Brayenlə görüşdən imtina edib.
Senzor.az yerli KİV-ə istinadən bildirir ki, bunu Gürcüstanın Baş naziri İrakli Kobaxidze mətbuat konfransında deyib.
Onun sözlərinə görə, qarşı tərəfdən Ceyms O`Brayenlə Bidzina İvanişvili arasında görüşlə bağlı istək olub, lakin sonuncu bundan imtina edib.
"Mən həqiqətən ümid edirəm ki, gələcəkdə vəziyyət keyfiyyətcə dəyişəcək və həm ABŞ, həm də Avropa İttifaqı mübarizədən əl çəkəcək", - deyə Baş nazir bildirib.
