Xəbər verdiyimiz kimi, dekabrın 28-də axşam Azərbaycanın dövlət başçısı İlham Əliyev Sankt-Peterburqdan Bakıya qayıdıb. O, Müstəqil Dövlətlər Birliyinin qeyri-formal sammitində iştirak edib.“Turan” xatırladır ki, bu görüş iştirakçılarının yekun bəyanatı olmayıb. İlham Əliyevin Ermənistanın baş naziri Nikol Paşinyanla gözlənilən görüşü barədə də məlumat verilmir.
Dekabrın 29-da səhər nə Bakı, nə də İrəvan bu məsələni şərh etməyib və ona aydınlıq gətirilməyib. Amma görüşlə bağlı videogörüntülərdən aydın olur ki, Azərbaycan və Ermənistan liderləri bir-iki kəlmə danışıblar.
Ola bilsin ki, tərəflər görüş faktını və hansısa razılaşmanı açıqlamamaq qərarına gəliblər. Ancaq o da ola bilər ki, görüş baş tutmayıb ya da tərəflər hər hansı razılığa gələ bilməyiblər.
Güman ki, yaxın zamanlarda hadisələrin inkişafı və KİV-ə sızmalar bu ehtimalların hansının həqiqətəuyğun olduğunu göstərəcək.
