Türkiyə Prezidenti Rəcəb Tayyib Ərdoğan Kipr Sülh Əməliyyatının 50-ci ildönümü ilə bağlı keçiriləcək tədbirlərdə iştirak məqsədilə Şimali Kipr Türk Cümhuriyyətinə (ŞKTC) səfər edəcək.
Senzor.az yerli KİV-ə istinadən bildirir ki, səfər zamanı Prezident Ərdoğanı Türkiyə Böyük Millət Məclisinin sədri Numan Kurtulmuş və kabinet üzvləri, eləcə də siyasi partiya nümayəndələri və çoxlu sayda deputat müşayiət edəcək.
Şimali Kiprə səfər edəcək Türkiyə nümayəndə heyətinin tərkibində Milliyyətçi Hərəkat Partiyasının (MHP) sədri Dövlət Baxçalı və Cümhuriyyət Xalq Partiyasının (CHP) sədri Özgür Özel də yer alacaq.
Əməliyyatın 50-ci ildönümü münasibətilə ŞKTC-də keçiriləcək hərbi dəniz paradında bir çox dəniz vasitəsilə yanaşı, Türkiyənin ilk amfibiya gəmisi “TCG Anadolu” da iştirak edəcək.
Tədbirlər çərçivəsində iyulun 20-də “Solo Türk” və “Türk ulduzları” qrupuna daxil olan təyyarələrin nümayiş uçuşlarının keçirilməsi planlaşdırılır.
