Ermənistanın baş naziri Nikol Paşinyan müdafiə naziri Suren Papikyanın müşayiəti ilə silahlı qüvvələrin Azərbaycanla sərhəddəki hərbi mövqelərinə, eləcə də hərbi hissələrdən birinə baş çəkib.Senzor.az yerli KİV-ə istinadən bildirir ki, Paşinyan döyüş mövqelərində xidmət edən əsgər və komandirlərlə görüşüb.
Ermənistan baş naziri postlara baxış keçirib, cəbhə xəttində aparılan işlər, eləcə də hərbi qulluqçuların xidmət şəraiti ilə tanış olub.
Hökumət başçısı xidmət zamanı fədakarlığı və şücaəti ilə fərqlənən bir qrup zabit və əsgəri həvəsləndirib. Baş nazir hərbi qulluqçulara göstərdikləri xidmətə görə təşəkkür edib, onlara cansağlığı və təhlükəsiz xidmət arzulayıb.
Paşinyan hərbçilərlə birlikdə bayram şam yeməyində də iştirak edib.
Senzor.az
